Analisti Skënder Minxhozi deklaroi në “Real Story” se socialistët janë në një borxh moral politik. Ai theksoi se askush nuk po thotë pse kryebashkiaku Erion Veliaj po hetohet, por pse duhet të hetohet i mbajtur brenda xhamit të blinduar.
Sipas analistit, në Perëndim ka shumë figura politike që janë nën hetim dhe vijon me kryerjen e detyrës së tyre.
“Termi parë që thamë është sikleti dhe gjatë rrugës u komentua borxhi që Rama mund t’i ketë Veliajt. Unë mendoj që këto dy terma, fjala ‘borxh’ dhe fjala ‘siklet’, nqf se i vëmë në kontekstin politik dhe në kontekstin socialist ngushtësisht të maxhorancës, unë do thoja që këto pasqyrojnë një ndjesi jo të mirë që pasqyron kjo maxhorancë, për shkak se procese të bujshme të vitit të fundit, këtu fus Berishën që kkanë nisur hetimet dhe veprimet e SPAK, ndaj Berishës, Metës dhe në fund fare ndaj Veliajt, duke qenë se kanë rezonancë shumë të madhe në publik. Janë zyrtarë të niveleve të larta dhe kanë rëndësi çdo detaj procedurial.
Unë mendoj që socialistët janë në një borxh moral politik dhe me të emëruarit e vetë dhe me pjesën tjetër të politikës. Për shkak të fokusit të madh që është ndërtuar mbi këto procese, kanë dal anë proceduriale dhe një e tillë ka mbledhur dhe ata njerëzit aty. Sepse askush nuk thotë që Veliaj të mos hetohet, por si të hetohet? Të hetohet në burg? I mbajtur brenda xhamit të blinduara? Siç dolën dhe foto nga dita kur ai u gjykua masa e sigurisë. Apo të hetohet në gjendje të lirë dhe në detyrë si në perëndim zyrtarët e lartë?
Rama është në siklet për këtë sfidë dyshe që ka, që të mund Berishën dhe të gjejë se si do sillet dhe se si do menaxhojë situatën me SPAK, nëse hetimet për të tjerë socialistë do të vijojnë”, u shpreh Minxhozi.
