Sllovakia ka dëbuar tre pjesëtarë të stafit të ambasadës ruse në kryeqytetin Bratisllava. Sipas ambasadës, ky vendim erdhi, pasi zyrtarët kishin abuzuar me dhënien e vizave sllovake. Pjesëtarët e stafit akuzohen se kanë pajisur me vizë sllovake një person që ka marrë pjesë në një vrasje në Gjermani.
“Sipas informacionit nga shërbimet e inteligjencës sllovake, aktivitetet e tyre ishin në kundërshtim me konventën e Vjenës për marrëdhëniet diplomatike,” tha një zëdhënës i Ministrisë së Jashtme sllovake gjatë një deklarate.
“Në krye të kësaj, kishte pasur një abuzim të vizave të lëshuara në konsullatën e përgjithshme sllovake në Shën Petersburg, dhe në lidhje me këtë ishte kryer një krim i rëndë në territorin e një shteti tjetër të BE-së dhe NATO-s,” tha ai.
Ministria nuk dha detaje të tjera, por këto largime vijnë pas vrasjes së një ish-rebeli çeçen me nënshtetësi Gjeorgjiane në Berlin, ngjarje kjo që ka ndodhur verën e kaluar. Mediat sllovake, raportuan se njëri prej personave të dyshuar për përfshirje në vrasje, kishte udhëtuar në Evropë me një vizë sllovake, shkruan Reuters.
Prokurorët federalë gjermanë akuzuan Rusinë në qershor për urdhërimin e vrasjes së gjeorgjianëve dhe paditën një rus për këtë ngjarje. Më pas, Gjermania dëboi dy anëtarët e ambasadës ruse. Ndërkohë, Kremlini ka hedhur poshtë kategorikisht idenë se ka ndonjë lidhje mes vrasjes dhe qeverisë ruse.
Ndërkohë për këtë ngjarje ka ardhur dhe një reagim nga SHBA. Zëdhënësi i departamentit të Shtetit, Morgan Ortagus është shprehur se mbështet venimin e autoriteve të Sllovakisë për të dëbuar diplomatët rusë.
g.kosovari
