Në mbledhjen e Këshillit të Mandateve gjatë ditës së sotme, është propozuar nga Partia Demokratike që të gjithë deputetët e Kuvendit të Shqipërisë, të deklarojnë nëse kanë qenë përdorues të dy aplikacioneve, tashmë të cilësuara kriminale, të EncroChat dhe SkyEcc.
Deputeti demokrat, Saimir Korreshi, është shprehur se ky deklarim është në të mirë të integritetit të çdokujt prej nesh. Ndër të tjera ai tha se askush nuk mund ta ketë përdorur EncroChat dhe SkyEcc “për të bërë puçi puçi me gruan” dhe as për qëllime të tjera të sinqerta.
“Këto të dyja kanë vendim gjykate që janë zbardhur, se e para këto të dyja janë zbërthyer dhe ka përdorur krimi i organizuar. Ka edhe WhatsApp, por këto të dyja janë sensitive, kanë ardhur me letërporosi. Ne për integritetin e gjithsecilit e thamë njëherë se kush pi drogë, asnjëri nga ju, me drogë në Parlament, Sky Echrochat se doni prap, dy. Po jo, ka një gjë.
Nëse ka një gjë sensitive që ka ky milet sot është të dijë të vërtetën. Nuk po themi të bëjmë organin e akuzës, por që me integritetin e çdo deputeti të shkruhet, që nuk i kam përdorur. S’ke pse e përdor për qëllime të sinqerta të flasësh me gruan puçi puçi në Enchrochat se nuk bën kjo “puçi puçi me gruan në Enchrochat”. Me vjen keq, por nuk e qëllojmë dot që një deputet të ketë folur me gruan në Sky dhe Enchrochat, ndaj janë hapur me këto platforma.
Nuk po them ti vihemi të gjitha rrjeteve sociale, po themi kush i ka përdorur, TikTok e kanë përdorur të gjithë, kanë sharë, kanë bërë edhe gjëra të tjera, por këto të dyja që janë provë materiale, si të lidhura me krimin e organizuar kaq transparencë duhet t’ia bëjmë njerëzve, po ka folur me gruan s’po themi gjë ne nuk ka ndonjë gjë të keqe,” është shprehur Saimir Korreshi.
