Ish-deputeti Azgan Haklaj duke folur rreth primareve të Berishës dhe debatet që ka nxitur kjo çështje brenda vetë grupit të PD-së, tha se pas kësaj fshihet një qëllim sekret.
Haklaj theksoi se primaret e Berishës synojnë të godasin grupin e Gazment Bardhit, duke krijuar një parti “bunker” kundër SHBA-së.
Ai akuzoi Berishën për përpjekje për të kontrolluar PD-në dhe për marrëveshje të fshehta me Ramën.
“Ato që kam thënë në studio po konkretizohen nga zoti Berisha. Thashë se deklaratat e Berishës dhe Bardhit, bashkim në diversitet po dalin se janë falso. Çfarë do veprimi të bëjë Berisha godet PD? Me primaret do të godasë grupin e Bardhit. Do të vendos vajzën. Do parti bunker kundër SHBA. Deklaratat e Bardhit dhe Flamur Nokës dëshmojnë se aty ka një krizë. Grupi Çiftelia do të eliminojë grupin Kërcimi. Kërcyet për t’ju servilosur Berishës. Berishës i duhet PD. E ka marrë në bashkëpunim me Ramën. Dështoi ta merrte në 8 janar. E mori me marifetin e Agron Zhukrin. Tha atëherë se është i lumtur që nuk fitoi PD. E patë Braimllari do shkojë te Rama. Ka firmosur këshilltar i zotit Berisha. Është në nderin e tyre të largohen. Në 2023. Në koalicion me Metën, këto këshilltar janë firmosur nga Braimllari”, tha Haklaj në “Report Tv”
Gjithashtu, Haklaj kritikoi mënyrën se si janë menaxhuar marrëveshjet me diasporën dhe dyshoi për manipulime të mundshme në votimin e saj.
“Berisha nuk e merr pushtetin dhe thotë do mundim oligarkinë. Gjithë marrëveshjet dhe përpjekjet e fundit për negociatat e diasporës. Nëse regjistrohet përtej parashikimeve të Berishës dhe Ramës do gjejnë artificë për mos votimin e diasporës”, shtoi ai.
