Prej kohësh dy të rinjtë Elidon Vojka, 19 vjeç dhe Emanuel Gupe, 23, ishin kthyer në shqetësim për banorët e Tiranës pasi dy “skifterët” kishin kryer një sërë grabitjesh në makinat e kryeqytetasve.
Efektivët e Komisariatit të Policisë Nr 2 në Tiranë kanë bërë të mundur finalizimin e operacionit “Smart”, ku kanë kapur në flagrancë dy të rinjtë duke u përpjekur të vjedhin tek “Myslym Shyri” një automjet.
Gjithashtu, nga bashkëpunimi me Komisariatin e Policisë Nr 4, është arritur të dokumentohet me prova ligjore se këta shtetas janë autorë të dyshuar të ngjarjeve të ndodhura në juridiksionet e Komisariatit të Policisë Nr 2 dhe Nr 4, ku më konkretisht:
- Më datë 03.11.2016, në Rrugën “Ali Baushi, kanë vjedhur navigatorin e automjetit tip “Mercedes Benz”, në pronësi të shtetasit M. S.
- Më datë 19.11.2016, në parkingun e Q.S.U.T., kanë vjedhur Navigatororin e automjetit tip “Mercedes Benz”, në pronësi të shtetasit A. M.
- Më datë 20.11.2016, në Rrugën “Mihal Popi”, kanë vjedhur dy pasqyrat dhe airbag-un e timonit, të automjetit tip “Mercedes Benz”, në pronësi të E. S.
- Më datë 15.09.2016, në Rrugën “Shefqet Musaraj”, kanë marrë një aparat fotografik nga automjeti tip “Opel”, në pronësi të J. K.
- Më datë 29.06.2016, në Rrugën ‘”Kongresi i Lushnjës’”, kanë vjedhur pasqyrat si dhe disa aksesorë brenda automjetit tip “Mercedes Benz”, në pronësi të J. C.
Emanuel Gupe, gjithashtu rezulton person i shpallur në kërkim nga Policia Berat, për vjedhje./java/a.k
