Nga Mero Baze
Nëse një i huaj, që nuk e njeh retorikën e Berishës kundër SPAK dhe drejtësisë së re, do të shikonte sot skenografinë e “foltores” me 50 vetë para kryeministrisë, do të mendonte se ajo është një OJQ nga këto që mbështesin SPAK me donatorë perëndimorë. Skenografia paraqiste një kabinet të tërë qeveritar të Edi Ramës të veshur me rroba burgu, ku ishin të gjithë zyrtarët e lartë të akuzuar nga SPAK, përfshi dhe zonjën Balluku.
Pra e vetmja krenari e Foltores në bulevard ishin “viktimat” e SPAK, ata të cilët ai ka akuzuar dhe ka çuar për gjykim gjatë viteve të fundit, të cilat Foltorja i paraqet si trofe të saj.
Për dikë që nuk e di historinë e marrëdhënieve të Berishës me SPAK, mund të entuziazmohej nga kjo skenografi duke menduar se Berisha po e lavdëron atë dhe në fjalimet e tij.
Pastaj nis fjalimi i Berishës i cili pak a shumë u thoshte atyre nëpunësve të tij në bulevard, se tani e tutje nuk duhet të shpresojmë më nga SPAK apo Gjykata, se tani është koha jonë.
Pra i vetmi bilanc i deritanishëm i opozitës është bilanci i SPAK kundër qeverisë. Skenografia ishte e gjitha e konceptuar “me trofetë e SPAK” nga radhët e qeverisë, ndërsa sheshi i mbushur me rreth 50 vetë që janë të gjithë urrejtës të SPAK.
Por për të qenë korrekt me SPAK, në atë skenografi duhet të shtohej edhe Sali Berisha, Jamarbër Malltezi, Ilir Meta, Fatmir Mediu dhe ndonjë tjetër që është në listë pritjeje nga opozita, pavarësisht se Flamurit nuk i bën dora të veshë veten me rroba burgu.
Kështu që PD duhet ta ndajë mendjen nëse do të krenohet me bilancin e SPAK apo bilancin e vet kundër qeverisë.
Se kjo historia që u mburren demokratëve për betejën kundër qeverisë, me betejën e SPAK dhe pastaj shajnë SPAK e ikin në shtëpi, i bën edhe qesharakë.
Tani ose t’i veshë të gjithë të akuzuarit e SPAK me kostum burgu dhe t’u thotë demokratëve që SPAK është i poshtër pasi na ka barazuar edhe ne me qeverinë, ose të mbajë atë skenografinë e sotme me fotot e ministrave të burgosur dhe të thotë që SPAK po na shpëton fytyrën në opozitë. Derisa të forcohet ky Salianji.
SPAK, dhe gjithë gjykatat, janë të kapura nga Sali Berisha.
Ato (gjykatë-prokurori) bëjnë sikur do të denojnë Sali Berishen, dhe ai (Saliu) bën sikur u çirret dhe u bërtet, por në vetvehte, janë në unison.
Prandaj Rama, mos të çuditet kur nesër, Gjykata Kushtetuese, të japë një vendim në favor të SPAK (të Saliut).
Rama kujtoi se bëri reformë në drejtësi, por në fakt atë e bëri Saliu, për të pastruar paratë dhe çertifikuar pastertinë e tijë kundrejtë ligjit.
Spak nuk është vetëm një prokuror apo dy.
Po mos vidhte qeveria do hetohej më tepër Saldhia
Sa thotë Vlora, qendron.
Por, vjedhjet e kësajë qeverie (në tre mandate + 6 muaj), nuk mund të barazohen dhe ti afrohen vjedhjeve, koorupsionit, vrasjeve dhe grabitjeve që i ka bërë Sali Berisha, këtijë populli dhe këtijë vëndi.
Prandaj, nuk është kusht, që “po mos të vidhte qeveria, do të hetohej më tepër SaliDhija”, që SPAK dhe spakistet, të “fshihen” mbas këtijë argumenti, duke mos derguar në gjyq, Partizanin, Gërdecin apo 21 Janarin.
Këto janë vepra kriminale të kryera para 14- 15 vjetve, dhe akoma nuk dihet në se do të denohen apo jo.
Nuk mund të fshihet apo pranohen asnjë justifikim për vonesat e mos denimit të Sali Berishes.