“Skënderbeu” është në krizë rezultatesh. Bie edhe në “Kamëz”.
Kryeqytetasit ia dolën të fitonin në ndeshjen e fundit të javës së dytë në Superiore, me shifrat minimale 1-0. Ndeshjen e vendosi një gol i Masato Fukuit, në minutën e 43-të të ndeshjes, gol që i shkaktoi ekipit të Shehit edhe humbjen e katërt radhazi.
Pjesa e parë ishte me pak raste, por aksioni që vendosi ndeshjen erdhi në fundin e së parës, me Malajn që nisi Fukuin, dhe japonezi nuk fali nga brenda zonës.
Rasti ishte i diskutueshëm, me Fukuin që ishte në limitet e pozicionit jashtë loje, por pamjet nuk tregojnë qartazi nëse ishte apo jo.
Në pjesën e dytë, “Skënderbeu” filloi të provonte me shumë forca drejt portës së Kamzës, por në disa raste Avdyli dhe një rast mbrojtësi Bonani, bënë mrekullinë duke ruajtur fitoren për Kamzën, njësoj siç e kishte parashikuar edhe Shkëlqim Muça gjatë kësaj jave, duke u shprehur se edhe këtë javë, Skënderbeu do mundej, dhe fituese do ishte “Kamza”.
Kështu me këtë fitore, “Kamza” merr 3 pikë shprese, teksa shkon në kuotën e 15 të tillave, teksa momentalisht lë poshtë edhe “Tiranën” me 1 pikë më pak, ndërsa “Skënderbeu” pëson humbjen e katërt radhazi dhe mbetet në vendin e katërt me 30 pikë.
/a.rada
