Ish-presidenti peruan, Alan Garcia ka kërkuar azil politik në Uruguaj, ndërkohë që prokurorët po hetojnë për akuzat për korrupsion kundër tij.
”Garcia, 69 vjeç, ka vizituar rezidencën e ambasadorit të Uruguajit në Lima për të kërkuar azil politik”, theksoi Ministria e Jashtme peruane.
Një gjykatë peruane ka përjashtuar Garcian nga largimi i vendit për 18 muaj, në pritje të një hetimi mbi akuzat për bashkëpunim dhe riciklim parash në një skandal korrupsioni, që përfshinte kompaninë braziliane të ndërtimit ”Odebrecht”.
Gjyqtari Juan Carlos Sanchez ka pranuar një kërkesë të paraqitur nga zyra e prokurorit të përgjithshëm pasi ka krijuar bindjen se ”Odebrecht” ka paguar ilegalisht Garcian të paktën 100 000 dollarë si pjesë e një pagese për një konferencë.
Garcia është i treti ish-president peruan i akuzuar për korrupsion që nga viti 2001 e më pas.
Gjiganti brazilian i ndërtimit ka paguar ryshfete për një total prej 29 milion dollarësh.
Ai ka qenë dy herë president, nga viti 1985-90 dhe nga viti 2006-11.
a.ç
