“Ndihma ekonomike është një zë i rëndësishëm i politikës sonë sociale, një zë i rëndësishëm i buxhetit të shtetit dhe është një zë me të cilin fatkeqësisht ka patur çjerrje apo ngjirje të pafundme politike në vite”, deklaroi sot kryeministri Edi Rama, duke shtuar se ka patur abuzime të pafundme.
Rama tha se “ndihma ekonomike i është dhënë rëndomtë atyre që nuk e meritojnë u është mohuar atyre që e meritojnë dhe pavarësisht debatit shumë të madh që ka patur me reformën e ndihmës ekonomike dhe me masat shtrënguese që ne kemi marrë kundër abuzimeve duke mundësuar futjen për herë të parë në ndihmën ekonomike të mbi 10 mijë familjeve që e kishin merituar prej vitesh por që nuk e merrnin dhe largimin nga ndihma ekonomike të shumë familjeve që nuk e meritonin përsëri ka problem”.
“ Nuk është absolutisht perfekte skema e zbatuar, ndërkohë që skema e kompletuar dhe e vënë në funksion është më e mira që kemi pasur. Dhe në rastin konkret bëhet fjalë për qytetarin që nuk ka mbyllur sytë por i është drejtuar platformës për të ngritur zërin për një padrejtësi”, tha Rama.
a.ç
