Ministri i Financave, Petrit Malaj ishte në konferencë për shtyp ku foli me detaje sa i takon rritjes së të ardhurave qendrore dhe atyre në nivel vendor.
E nisi fjalën e tij me xhiron e deklaruar të bizneseve.
“Po të bëjmë një krahasim të xhiros së deklaruar përgjatë 4-mujorit të parë të vitit 2026 me atë të vitit të shkuar kemi një rritje dyshifrore, pra me 11%. E thënë në terma monetarë, rritja është 133 miliardë lekë apo 1.4 miliard euro më shumë xhiro e deklaruar. Kjo rritje në fakt mbështetet nga tre sektorë, kryesisht nga ai i shërbimeve, që është rritur me 24.5%”, deklaroi Malaj.
Rritje, sipas tij, kanë pësuar edhe sektori i ndërtimit dhe tregtisë.
8 070 biznese të reja në këtë 4-mujor, pra janar-prill 2026, 11% më shumë se e njëjta periudhë e vitit të shkuar.
Sa i përket të ardhurave të realizuara nga administrata tatimore, arritën në 275.8 miliard lekë në fund të prillit. 302 milion euro më shumë se sa e njëjta periudhë e vitit 2025.
Të ardhurat totale te tatimet dhe doganat kapin shifrën e 172.7 miliardë lekëve, 5.4% se në vitin 2025.
“Rritja tregon se bizneset janë duke gjeneruar gjithnjë e më shumë aktivitet ekonomik, por edhe mirëmenaxhim doganor e tatimor”, tha ministri.
Sigurimet shoqërore dhe shëndetësore, 66.8 miliardë lekë të ardhura ose 12.5% më shumë se vitin e shkuar.
“Edhe gjatë muajit prill ka pasur normën më të ulët krahasuar me vendet e Ballkanit Perëndimor, por edhe krahasuar me mesataren e Bashkimit Europian. Kjo normë e ulët është tregues i stabilitetit më të madh makro-ekonomik, por edhe ruajtjes së fuqisë blerëse të qytetarëve shqiptarë”, bëri me dije Malaj.
Për procesin e rivlerësimit të pronave, në mars-prill 2026, tha se në buxhetin e shtetit janë arkëtuar 3.9 miliardë lekë.
Të ardhurat e realizuara nga pushteti vendor, 17.2 miliardë lekë ose 11.2 miliardë lekë më shumë se 3 muajt e parë të vitit 2025.
“Ndikimin më të madh e ka pasur taksa e ndikimit në infrastrukturë me 11.08 miliardë lekë të ardhura. Bashkitë që kanë pasur rritjen më të madhe si rezultat i kësaj takse janë bashkia e Tiranës, Vlorës, Himarës dhe Sarandës. Kjo reflekton dinamikën e lartë të investimeve në ndërtim, veçanërisht në zonat turistike, por edhe ato urbane”, sqaroi ministri.
Rritje me 17.1 miliardë lekë në total e shpenzimeve vendore. Me 31% janë rritur shpenzimet kapitale ose 2.23 miliardë lekë në total. “Bashkitë me realizimin më të lartë, Kukësi, Durrësi, Kamza dhe Vora”, shtoi Malaj.
I pyetur lidhur me sigurimin e detyrueshëm të banesave për tërmetet dhe përmbytjet, Malaj njoftoi se “projektligji është ndarë me të gjitha ministrisë dhe po rishikohen të gjitha ndryshimet”.
“Shpresojmë që brenda 6-mujorit të parë të këtij viti, pra deri në muajin qershor, maksimumi deri në korrik, ta përcjellim në qeveri për miratim”, theksoi Malaj.
Çfarë po ndodh me rimbursimin e fermerëve dhe indeksimin e pensioneve?
“Indeksimi i pensioneve në qershor ose korrik, nuk ka vendimmarrje. Kemi parë një rritje të numrit të faturave të lëshuara nga përpunuesit ose grumbulluesit me NIPT, ka një rritje me mbi 23%. Deri në këtë moment që flasim shuma potenciale për të kompensuar fermerët me NIPT arrin në masën 6 deri në 6.5 milion euro. Megjithatë ky proces do të zgjasë deri në muajin qershor”, u përgjigj ministri i Financave.
“Nëse ka individë që duan të bëjnë rivlerësimin e pronës edhe në ato zona ku nuk kanë dalë çmimet e referencës, mund ta bëjnë me një vlerësues privat, ku përcaktohet çmimi i pronës së tyre dhe pastaj bëjnë regjistrimet përkatëse në Agjencinë e Kadastrës.
Nuk besoj që procesi do shkojë deri në muajin shtator, çmimi minimal i referencës që do vendoset, përveç se në bashkinë e Tiranës, janë imal i referencës që do vendoset, përveç se në bashkinë e Tiranës, janë çmime minimale qoftë për administratën, qoftë për ata individë që nuk duan të bëjnë rivlerësim”, përfundoi ministri sa i takon procesit të rivlerësimit të pronave në vend.
