Një skandal seksual ka shpërthyer në Peru duke indinjuar të gjithë opinionin në vendin latin dhe shkaktuar reagime të forta.
Naldy Saldaña, këngëtarja kryesore e grupit të njohur peruan të muzikës cumbia “La Bella Luz”, ka akuzuar drejtorin muzikor César Sánchez Chavista për ngacmim seksual dhe fizik, duke bërë të ditur se ka depozituar një kallëzim pranë autoriteteve.
Madje janë publikuar edhe pamje të këtij sulmi, që u bënë shumë shpejt virale ne rrjete dhe media.
Artistja deklaroi se, së bashku me denoncimin, ka dorëzuar edhe regjistrime audio dhe video që, sipas saj, dokumentojnë incidentin.
Pamjet e publikuara në rrjetet sociale tregojnë Saldañën duke u përpjekur të largohet, ndërsa drejtori muzikor e kap nga krahu dhe e tërheq me forcë drejt vetes, duke vijuar sjelljen e papërshtatshme.
Pas publikimit të videos, ngjarja ka shkaktuar reagime të shumta në Peru. Anëtarët aktualë dhe ish-anëtarët e grupit “La Bella Luz” kanë shprehur mbështetjen për këngëtaren.
Ndërkohë, grupi muzikor njoftoi se ka pezulluar përkohësisht nga detyra drejtorin muzikor César Sánchez Chavista deri në përfundimin e hetimeve nga autoritetet.
“La Bella Luz” është një nga grupet më të njohura të muzikës ‘cumbia’ në Peru, me bazë në qytetin Monsefú, dhe gëzon popullaritet të madh në vend. Hetimet për rastin janë në vijim.
| La cantante Naldy Saldaña denunció públicamente a un director de orquesta por tocamientos indebidos sin su consentimiento. pic.twitter.com/B1dblEncsP
— NTF (@NTFxSF) August 5, 2026
