Pas shtetasit Shkëlzen Berisha, prokuroria ka kërkuar që edhe Nuel Kalaj të japë dëshminë e tij lidhur me hetimet mbi skandalin e privatizimit të OSSH. Mësohet se organi i akuzën pohoi se janë 2 letërporosi drejt Kosovës dhe Francës për pyetjen e dëshmitarit Nuel Kalajt. Ky i fundit ka dy adresa banimi dhe pritet që të përgjigjet tek një prej tyre.
Kalaj është akuzuar si sekser në skemën e privatizimit të OSSH-së.
Ish-përfaqësuesi ligjor i OSHEE-së në Arbitrazhin Ndërkombëtar Romeo Karaj e ka akuzuar drejtpërdrejt atë si sekser të djalit të ish-kryeministrit Sali Berisha.
“Roli i tij si sekser del nga komunikimet që zoti Kalaj ka bëre me CEZ-in. Përse i fshihet hetimit parlamentar?! Të shkojë të dëshmojë rolin e sekserit, për të cilin është paguar me shuma marramendëse. Ne do të ndjekim rrugën ligjore dhe e ftoj që edhe zoti Kalaj të ndjekë të njëjtën rrugë, unë mbroj vetëm interesin publik”, shprehej Romeo Karaj.
Kalaj është akuzuar edhe nga kreu i grupit parlamentar të PS-së Taulant Balla.
Le të sjellimi në vëmendje se privatizimi i OSHEE nga CEZ i kushtoi shtetit shqiptar një dëm ekonomik prej të paktën 414 milion Euro./a.m.
