“Nuk kam probleme me askënd, veç policisë“. Kështu ka deklaruar Juxhin Kulla gjatë dëshmisë së tij para uniformave blu lidhur me shtënat me armë në drejtim të banesës së tij mbrëmjen e të premtes.
Ngjarja ndodhi në lagjen 3 të qytetit, në vendin e quajtur ish-depoja e ujit por fatmirësisht nuk pati të lënduar. 34-vjeçari ka treguar se po bëhej gati të dilte nga shtëpia, kur ka dëgjuar të shtënat dhe më pas xhirimin e gomave të makinës që largohej me shpejtësi.
“Sapo dilja nga banesa në momentin që kam dëgjuar të shtënat. Dëgjova një automjet që u largua me shpejtësi dhe xhirim në drejtim të fshatit Barc. Nuk pashë asgjë tjetër. Nuk kam probleme me askënd. Problemet e vetme që kam janë me policinë prej ditës që unë jam dhunuar prej tyre. Është qëlluar disa herë drejt katit të dytë të banesës. Nuk kam konflikt me asnjë person. Këtë e them me siguri”, mësohet se ka deklaruar ai në polici.
Mësohet se policia e Korçës nuk ka ende asnjë person të shoqëruar apo të dyshuar për ngjarjen. Grupi hetimor vijon punën për zbardhjen e sulmit me armë..
Juxhin Kulla është person me precedent penal në fushën e narkotikëve dhe i dënuar 3 herë në Shqipëri.
g.kosovari
