“S’kam asgjë për të thënë”, Gaz Bardhi e pranon publikisht: Nuk kam çuar asnjë dokument në SPAK për Olsi Ramën!

Gazment Bardhi ka pranuar në televizionin e familjes Berisha, se kur u thirr në SPAK për çështjen e Olsi Ramës, nuk iu ka dhënë asnjë fakt të ri.

Ai tha se i është referuar vetëm dosjes së vjetër, që ishte hetuar më parë.

Bardhi tha se në SPAK, nuk ka thënë asgjë për Olsi Ramën.

“SPAK më thirri me fletë thirrje për këtë çështje dhe shkova u paraqita. Futem në Prokurori.

Mirëmëngjesi, kemi rihapur këtë çështje, kjo është dosja më thanë, dhe më treguan disa pirgje letrash, që do të thotë se kishin studiuar dosjen, sa kohë kishin vendosur rihapjen.

Të kemi ftuar për këtë çështje, çfarë ke për të thënë? Iu them, më fal, unë nuk kam gjë për të thënë, çfarë kam pasur për të thënë ua kam sjellë me shkrim.

Mbi atë që kam sjellë me shkrim, i pyes, keni ndonjë pyetje? Jo më thonë, nuk kemi pyetje. Mirupafshim!

Kaq ka qenë mbi këtë çështje. Po të merrni procesverbalin kaq është, nuk më është bërë asnjë pyetje, nuk më është kërkuar asnjë sqarim. Ata do të thotë se ishin të qartë, d.m.th i përputhej informacioni.

Praktikisht nuk sajova, apo nuk mora prova të reja. Unë mora provat e asaj dosje dhe sigurisht që ata kanë verifikuar, se ato që unë kam thënë, janë në atë dosje. Se nuk mund të vendosej rihapja e hetimit.

Dy vendime të shkallës së parë dhe Apelit e thonë që hetimet janë kryer me qëllim prishjen e disa provave dhe i gjithë operacioni, e thotë gjykata, është dekonspiruar.

Dhe unë iu kërkoj që të verifikohej edhe puna e policisë dhe prokurorëve të çështjes.

Prokurori i kësaj çështje pasi pezulloi dosjen 335/1, prokurori Olsian Çela, u bë me votë të Edi Ramës në Kuvend, prokuror i Republikës së Shqipërisë. A ka pozicion më të lart se në sistemin e prokurorisë? Pra nga një prokuror i shkallës së parë e çoi prokuror të Përgjithshëm”, tha ndër të tjera, Gazment Bardhi.