Në orën 16:00 ka skaduar edhe ultimatumi që studentët i dhanë qeverisë për realizimin e 8 kërkesave.
Minutat e fundit kanë prodhuar edhe tensione, në pamundësi për të arritur një vendim se në çfarë forme do të përshkallëzohet tubimi.
Mes studentëve ka pasur disa rryma ku ata që aderojnë në partitë politike të opozitës kanë kërkuar zhvendosjen para Kryeministrisë.
Ndërkohë që studentët që janë deklaruar si të depolitizuar kërkojnë qëndrimin para Ministrisë së Arsimit apo nisjen e një greve urie.
Protesta e sotme ka qenë më e madhja për shkak se i janë bashkuar edhe studentë nga rrethet.
Ndërkohë që situata mes turmës mbetet kaotike, e shoqëruar me përplasje verbale mes grupeve.
Nga ana e tij, kryeministri Rama i ka mëshuar ftesës për dialog për t’u njohur me kërkesat reale dhe për të diskutuar për realizimin e tyre. Por protestuesit nuk kanë pranuar të ulen në tryezë me qeverinë.
/javanews/a.rada
