Sizmofobia, quhet ndryshe frika ose fobia që njerëzit kanë nga tërmetetet Janë qindra mijëra fobi dhe Sizmofobia është një nga ato më të zakonshmet nëse jetoni në një zonë të rrezikut sizmik. Ajo përkufizohet si frika ekstreme, shpesh iracionale nga tërmetet.
Ne të gjithë kemi frikë nga tërmetet të cilat janë fatkeqësi natyrore mbi të cilat njeriu nuk ka kontroll. Ato gjithashtu shkaktojnë shkatërrim të madh të jetës dhe pronës. Në rast të personave me sizmofobi ekstreme, frika ndërhyn edhe në jetën e tyre të përditshme. Sizmofobia mund të ketë simptoma të ndryshme ku përfshihen:
1.Frymëmarrje e shpejtë ose në disa persona ka krejt efekt të kundërt, duke shkaktuar mungesë të saj dhe të mbushjes me oksigjen të mjaftueshëm
2.Dëshira për të ikur ose fshehur, ku disa individë mund të qajnë ose të bërtasin në momentin që ndodh ose mendojnë se po bie një tërmet
3.Gojë e thatë, marramendje, shqetësime gastrointestinale, dhimbje koke etj.
- Shumica individëve, që kanë një fobi të tillë, vazhdimisht jetojnë me frikën e tërmeteve. Kjo natyrisht ndikon në jetën e tyre të përditshme dhe madje komprometon marrëdhëniet e tyre.
Por si mund ta mposhtim këtë fobi dhe të mos e lejojmë të ndikojë në jetën tonë të përditshme?
Edukimi i vetvetes në lidhje me tërmetet është një nga mënyrat më të mira për të kapërcyer sizmofobinë. Hapi i parë është të flisni me një psikoterapist profesionist, i cili mund të rekomandojë mënyra nga më të ndryshmet për të përballuar këtë lloj ankthi. Ilaçet mund të përshkruhen si mjeti i fundit në raste ekstreme. Teknikat e ndihmës vetjake si frymëmarrja e thellë dhe meditimi i përditshëm prej 10 minutash gjithashtu mund të ndihmojnë që të mposhtni frikën tuaj.
Gjithashtu, duhet të dilni sa më shumë dhe të flisni më miqtë tuaj apo familjarët. Sa më shpejt t’i riktheheni rutinës suaj të përditshme aq më e thjeshtë do të jetë për ju tejkalimi i kësaj situate apo gjendje ankthi.
Nëse jeni të frikësuar pas një tërmeti, kjo është mëse normale. Edhe nëse keni ankth të shtuar ose ndjeheni të pafuqishëm, edhe kjo e pranueshme. Por nëse shtëpia juaj është e padëmtuar, familja juaj është e sigurt dhe ju jeni fizikisht mirë, është e rëndësishme të pranoni se si po ndiheni dhe sa me fat jeni. Duke menduar pozitivisht, do t’i jepni fuqi motivim vetes për të kaluar këtë gjendje, pergatiti Tema.
