Përmbytet edhe kati i parë i burgut të Durrësit. Raportohet se deri më tani nuk i kanë lëvizur të paraburgosurit pasi nuk ka një vendim.
Të gjithë ata që kanë pasur qelitë në katin e parë janë zhvendosur në të dytin.
Atje kanë ndërhyrë forcat zjarrfikëse për të larguar ujin pas rritjes së nivelit të tij si pasojë e motit të keq.
Për të ndjekur situatën nga afër, në vendngjarje ka mbërritur Drejtori i Përgjithshëm i Burgjeve, Klevis Qose, së bashku me përfaqësues të lartë nga Ministria e Drejtësisë.
Pritet që në orët në vijim të ketë një reagim zyrtar nga Ministria e Drejtësisë dhe Drejtoria e Përgjithshme e Burgjeve për të sqaruar gjendjen e të dënuarve dhe masat e marra për sigurinë e institucionit.
