Në Partinë Demokratike janë të paqartë për qëllimin e dërgimit të anëtarëve në KZAZ edhe pse nuk ka një vendim për të hyrë në zgjedhjet lokale.
Sekretari i Përgjithshëm i PD, Gazmen Bardhi deklaroi se PD dhe LSI kanë informacion zyrtar se në KZAZ janë duke u kryer manipulime të rënda të procesit zgjedhor, e për të dokumentuar dhe çmontuar këtë paligjshmëri, do të dërgojnë anëtarët.
Por sekretari për çështjet ligjore në Partinë Demokratike Çlirim Gjata qartë e shpjegoi se regjistrimi i komisionerëve në KZAZ është moment teknik, se çfarë do bëhet me komisioner, se edhe duhen ata komisionerë, pikërisht për këtë, për të mos pasur zgjedhje.
Kështu, Bardhi argumenton se PD-LSI duan vetëm të mos lejojnë manipulimet, kurse Gjata zbulon planin për prishjen e zgjedhjeve, atë që opozita vazhdimisht e ka deklaruar, “ moslejimin e zhvillimit të tyre”. Pra ende nuk dihet, nëse PD synon t’i ruajë apo t’i prishë zgjedhjet…/ i.h
