Presidenti Ilir Meta ka folur për situatën politike në vend. Kreu i shtetit deklaroi se të gjitha palët politike ti thërrasin mendjes dhe të mos tregohen egoistë por të mendojnë për të mirën e vendit.
Presidenti në deklaratë për mediat këtë mengjes theksoi që palët të mos e çojnë atë në konfrontim dhe e dinë shumë mirë se çfarë duhet të bëjnë.
Meta theksoi se nuk kemi pse shkojmë në konfrontim.
“Kjo situatë nuk duhet të ekzistonte mbas 22 vitesh pas ’97 që ishte një vit mjaft fatkeq. Të gjithë t’i thërrasin mendjes dhe të marrin përgjegjësitë e tyre. Për interesa tërësisht egoiste dhe okulte Shqipëria nuk ka pse të shkojë në konfrontim”, u shpreh Presidenti i vendit.
I pyetur nëse ka thirrur një tryezë politike për të zgjidhur krizën në vend mes palëve politike, ai u përgjigj: Askush nuk mund t’i transferojë përgjegjësitë tek të tjerët aq më tepër tek presidenti. Ata e dinë mirë se çfarë duhet të bëjnë dhe duhet të jenë të përgjegjshëm për pasojat që do të kenë nëse do të shkojë vendi në konfrontim.
g.kosovari
