Kreu i Bashkisë së Tiranës, Erion Veliaj, thotë se kryetarit të Partisë Demokratike, Lulzim Basha, do t’i duhen 12 vite për të ardhur në pushtet. Në emisionin “Studio e hapur” me gazetaren Eni Vasili, kryebashkiaku Veliaj tha se për shkak të situatës në PD, kreu i kësaj partie e ka të vështirë të vijë në pushtet
Sakaq ai shoi se “Opozita e sotme përfaqësohet nga familja e kryetarit”.
“PD po menaxhohet si biznes familjar. Mendoj se mund të dalin forca të tjera për opozitë. Kështu si është situata në PD do t’i duhet 12 vite për të ardhur në pushtet”, tha kryebashkiaku i Tiranës.
Veliaj tha se fakti që “kryeministri ka qenë kryetar bashkie, bën që të dijë shumë mirë ku qëndron problemi, dhe e di se sa e rëndësishme është zgjidhja”.
