Më shumë se 1.700 civilë janë vrarë në sulmet ajrore ruse në Siri gjatë pesë muajve të fundit, ka bërë të ditur sot Observatori sirian për të drejtat e njeriut.
Në sulmet e aeroplanëve rusë, kanë mbetur të vrarë gjithsej 4.408 persona, në mesin e të cilëve 1.733 civilë, duke përfshirë 429 fëmijë dhe 250 gra, thuhet në një komunikatë të organizatës me seli në Mbretërinë e Bashkuar, transmeton Telegrafi.
Më shumë se 60 për qind e të vdekurve ishin luftëtarë, në mesin e të cilëve 1.492 anëtarë të grupeve rebele dhe anëtarë të Frontit Al Nusra, degë e Al-Kaedës në Siri, si dhe 1.183 anëtarë të Shtetit Islamik, ka shtuar Observatori.
Marrëveshja për armëpushim në Siri e arritur mes SHBA-ve dhe Rusisë që ka hyri në fuqi të shtunën, nuk përfshin territore të kontrolluara nga Shteti Islamik dhe Al-Nusra.
Telegrafi
