I ftohti siberian që ka prekur vendin tonë këto ditë, duket se do të vazhdojë edhe të dielën, ndërkohë që java e ardhshme pritet të nisë me rritje temperaturash.
Sipas Meteorologes Lajda Porja, veriu i Shqipërisë do të mbetet i kërcënuar nga ngricat pasi temperaturat do jenë në -8 gradë celcius.
Këto janë vlerat normale të dimrit në veri dhe verilindje të vendit. Më e normalizuar do të jetë temperatura edhe në pjesën tjetër të Shqipërisë.
Sinoptikanja Porja tregon se kryeqyteti nuk e kaloi vlerën -6 gradë celsius.
Në verilindje të vendit termometri shënoi – 16 gradë ndërsa në juglindje -10 deri më -13 gradë celsius.
Nga zonat bregdetare Velipoja dhe Lezha ishin më të ftohtat me -3 deri në -4 gradë celsius, raporton AbcNeës.
Zonat verilindore kanë pasur edhe reshjet më të dendura të dëborës, 20 deri 30 cm në qytet dhe 40 deri 50 cm në fshat.
