Presidenti i ri i Republikës, Bajram Begaj ka deklaruar gjatë ceremonisë në Parlament se ai nuk do qëndrojë neutral ndaj konflikteve politike apo ndaj atyre që sipas tij vendos interesin personal mbi atë kombëtar.
Para deputetëve, Begaj theksoi se do punojë që sipas është ndërtuar harmonia fetare në vend, të punojnë për të ndërtuar harmoninë politike.
“U betova sot se do i shërbej kushtetutës dhe përparimit të popullit shqiptar, do përmbush detyrën sipas parimeve. Unë do i përmbush detyrimet mbi palët , por nuk do qëndroj neutral ndaj çdo kujt që vendos interesin personal mbi atë.
Ne nuk duhet të shmangemi nga gabimeve të të shkuarës dhe të tashmes, të largohemi nga politika e konfrontimit dhe të ndërtojmë dialogun dhe bashkëjetesën.
Të garantojmë shtetin e së drejtës, për një të ardhme sic e meritojnë qytetarët.
Të luftojmë për të rigjetur vlerat e humbura, sicc kemi konsoliduar harmoninë fetarë, të punojmë për harmoni politike.
Duhet unanimitet për të siguruar vitalitetin e Shqipërisë, ta bëjmë Shqipërinë më të bukur.
Kriza e tranzicionit të stërgjatur dhe të lodhshëm, krizat e prodhuara nga brenda apo të importuara nga jashtë, krizat nga mosmarrëveshjet tona, nga paaftësia për të gjetur një gjuhë dhe një rrugë të përbashkët, kriza nga papërgjegjshmëria, nga korrupsioni, të gjitha këto kanë prodhuar pasiguri, padrejtësi dhe përjashtim.
U betova sot se do ti shërbej Kushtetutës dhe interesit kombëtar dhe përparimit të popullit shqiptar dhe të përmbush detyrën time sipas parimeve dhe normave të kushtetutës. Këtë mision do ta kryej mbi palët. Nuk do qëndroj neutral ndaj asnjërit që bie ndesh mbi këtë betim, ndaj asnjërit që vendos interesat personale para interesave të kombit tonë.
Ne kemi nevojë të ridimensionojmë besimin publik i cili përbën shtyllën e funksionimit të shtetit dhe shpirtin e harmonisë së një kombi. Ne nuk duhet të shmangemi nga gabimet e të shkuarës dhe të tashmes. Të largohemi nga politika e konfrontimit dhe ta zëvendësojmë me politikën e dialogut dhe bashkëjetesës. Të ndërojmë bashkërisht urdha lidhëse mes klasës politike, shtetasve dhe shtetit.
Me vendosmëri të konsolidojmë shtetin e së drejtës, demokratik dhe social për të garantuar të drejtat dhe liritë themelore të njeriut për një të ardhme siç e meritojnë qytetarët. Të luftojmë për të rigjetur vlerat e humbura dhe forcimin e atyre që me shumë mund i kemi ndërtuar. Le të punojmë për një harmoni politike dhe njerëzore njëkohësisht. Në një det të tillë të trazuar nevojitet unitet më shumë se çdo herë. Të gjithë së bashku ta bëjmë Shqipërinë tonë edhe më të bukur për të qenë në vendin që i takon.”, tha Begaj./m.j
