Vetëm pak ditë më parë Spanja, Portugalia por edhe një pjesë e Francës u përfshi nga një black out total i energjisë që shkaktoi kaos në stacione treni, trafik rrugor, apo aeroporte. Në studion e MCN Informacion, Emanuela Dyrmishi, eksperte sigurie, tha se gjasat janë për një sulm kibernetik. Duke u ndalur te siguria kibernetike, ajo tha se në Ballkan ajo është e ulët.
Hipoteza e sulmit kibernetik duket më e qëndrueshmja. Nëse ne shikojmë pikat e vulerabilitetit sa i përket Spanjës dhe Portugalisë, ato janë në kapacitetet e menaxhimit të sigurisë kibernetike. Nga ana praktike, në bazë të një aseti kibernetik, çdo hallkë duhet të punojë e pavarur. Pra, nëse ndodh diçka, hallka që ka problemin bllokohet, por të tjerat vijojnë punën.
Në mënyrë të veçantë përveç Greqisë dhe Serbisë, Ballkani është në rrezik përsa i përket sigurisë kibernetike.
