Prefekti i Tiranës Sadi Vorpsi ka zhvilluar një takim me institucionet përgjegjëse për sigurinë e tregjeve, ku ka kërkuar kontroll të rreptë dhe garantim të standardeve.
“Të garantohen standardet e tregjeve dhe ushqimit. Kontroll të rreptë kryesisht tregtimit të produkteve blegtorale. Të kontrollohen në të gjithë qarkun kushtet e tregtimit të mishit”, ka theksuar Vorpsi.
Në takimin e thirrur nga Prefekti, ishin të pranishëm përfaqësues të Autoritetit Kombëtar të Ushqimit. Vorpsi ka kërkuar që të ushtrohet kontroll mbi dokumentet e tregtimit dhe cilësia ushqimore. Një porosi e veçantë nga prefekti ishte monitorimi i importit të ushqimeve nga vendet ku ka shenja sëmundjesh. /bw
