Si të mbani klorin e pishinave larg trupit
Për shumë njerëz noti është aktiviteti i preferuar i verës, por kur vjen puna tek uji i pishinave i cili është i pasur me klor, të gjithë bëhen skeptikë. Lëkura e irrituar, flokët e thatë, zbardhja e kostumeve të banjos janë disa nga faktorët që ju bëjnë të stepeni për të frekuentuar pishinat, pavarësisht dëshirës. Ja si mund t’i evitoni këto situata të pakëndëshme:
Përdorni produkte për flokët: produktet me bazë silikoni mund t’ju ndihmojnë shumë. Një tjetër alternativë është vaji i kokosit, i cili u jep shkëlqim flokëve të thara. Lagini flokët para se të hyni në pishinë: kjo ngadalëson procesin e thithjes së klorit. Mund të përdorni kapuç uji nëse keni flokë shumë të thatë.
Përdorni shampo specifike për heqjen e klorit nga lëkura: nëse doni të shpëtoni nga klori nuk mund të laheni thjesht me një sapun. Kërkoni produkte të mira që eliminojnë klorin nga lëkura. Mund të përdorni gjithashtu uthull molle, për të shpëlarë flokët duke e përzier me ujë. Uthulla e mollës ju ndihmon për të larguar papastërtitë nga flokët tuaj (klor, kripë).
Kujdesuni për sytë: lentet e kontaktit mund të thithin ujin dhe klorin si një sfungjer, prandaj bëni mirë t’i eliminoni duke përdorur syze noti.
Kujdesuni për kostumin e notit: Nëse përzgjidhni material elastik, do të reduktoni zbardhjen e kostumit
