Dridhjet, zhurmat dhe ndryshimet në ngjyrë janë vetëm disa nga mënyrat sesi trupi dërgon sinjale për të treguar se ka diçka që nuk shkon. Kushtojini vëmendjen e duhur këtyre sinjaleve dhe mund të zgjidhni një problem të mundshëm!
KRUAJTJE VESHI
Mund të jetë candida (sëmundje kërpudhore e lëkurës) Ju ndodh të jeni gjithë kohën duke kruar pjesën e brendshme të veshit? Sipas mjekëve, kjo është një simptomë e zakonshme e sëmundjes candida. Nëse dyshoni se mund të jetë ky rasti juaj, provoni të mbani një dietë anti-candida, e cila nënkupton që nuk duhet të hani më asgjë me përmbajtje majaje apo sheqeri, por të shtoni ushqime me probiotikë dhe barëra anti-kërpudhorë.
GJUMË I PAREHATSHËM
Mund ta keni nga ushtrimet e tepërta! E keni parasysh atë ndjesinë kur sapo jeni përgjumur dhe sakaq zgjoheni të frikur nga një tronditje e beftë? Thonë se kjo shkaktohet nga ndonjë keqinterpretim i trurit – ajo pjesë e tij që është ende zgjuar dhe sjell konfuzion. Praktikimi i një regjimi të mire gjumi mund t’ju ndihmojë ta kaloni këtë problem. Ndërprisni ushtrimet në orët e vona të ditës. Nëse duhet patjetër të bëni diçka, mjafton të bëni një shëtitje të qetë. Por ushtrimet energjike lërini për në mëngjes. Ndërpritni përdorimin e kafeinës. Mos pini kafe pas orës dy të pasdrekes apo në mbrëmje. Zëvendësojeni atë me një çaj me bar limoni (Lemon Verbena) i cili ndihmon në forcimin e nervave dhe lehtëson gjendjen e stresit. Merrni një pilulë. Por jo një pilulë gjumi, por një suplement me përzierje hekuri, magnezi dhe kalciumi që ju ndihmon të qetësoheni dhe të plotësoni mangësitë trupore
ÇARJE BUZËSH
Ndoshta nga përdorimi i tepërt i zbutësit të buzëve Kjo simptomë duket sikur fsheh faktin që jeni dehidratuar dhe duhet të pini më shumë ujë! Mjaft pitë lëngje të tjera – pini tetë gota ujë në ditë dhe hani më shumë perime të ziera dhe fruta.
Shkëputur nga revista Living
