1854- Lindi poeti francez Arthur Rimbaud, i cili shkroi veprat e tij më të mira midis moshës 17 dhe 20 vjeç. I vlerësuar pa masë dhe po aq i diskutuar ashpër, poezia e tij ndikoi në të gjitha drejtimet poetike të shekullit të 20 -të, dhe veçanërisht në simbolistët dhe surrealistët. (“Anija e dehur”, “Ndriçimet”, “Qëndrimi në ferr”).
1890- Vdiq eksploruesi dhe shkrimtari anglez Richard Burton, i pari evropian që pa liqenin Tanganika në Afrikë në 1858. Ai ka shkruar më shumë se 50 libra udhëtimi dhe ka përkthyer librin me tregime të shkurtra arabe “Një mijë e një netë”.
1891- Lindi fizikani anglez James Chadwick, fitues i çmimit Nobel në Fizikë në vitin 1935. Zbuloi neutronin në vitin 1932 dhe nga viti 1943 deri në 1945, si kryeinstruktor britanik, punoi në Projektin “Manhattan” për zhvillimin e bombës atomike në Los Alamos në SHBA.
1935- Forcat Revolucionare Kineze të Mao Ce Dunit mbërrijnë në provincën Shaanxi të Kinës veriperëndimore, duke i dhënë fund “Marshimit të gjatë” (rreth 10.000 kilometra), të filluar një vit më parë nga juglindja, gjatë së cilës ata thyen bllokadën e katërfishtë të Chang Kai Shisë.
1971- Kancelari i Gjermanisë Perëndimore Willy Brandt merr Çmimin Nobel për Paqe.
1973- Mbretëresha Britanike Elizabeth II inauguron Shtëpinë e Operës në Sidnei të sapo ndërtuar asokohe.
2011- Udhëheqësi libian i përmbysur Muammar Gaddafi kapet dhe vritet në rrethana të pashpjegueshme në qytetin e tij të lindjes, Sirte. Ai u varros në shkretëtirë në një vend sekret.
2011- Organizata separatiste baske ETA deklaron një ndërprerje përfundimtare të aktiviteteve të armatosura pas më shumë se 40 vjet luftimesh për pavarësinë baske. Në bombardimet dhe sulmet e armatosura që nga fundi i viteve 1960, anëtarët e kësaj organizate kanë vrarë 829 njerëz. BETA