1813- Lindi misionari skocez dhe eksploruesi i Afrikës, David Livingstone, i cili në 1855 zbuloi Ujëvarën Victoria. Ai ishte i pari që eksploroi shkretëtirën Kalahari, pellgun e lumit Zambezi dhe burimin e lumit Kongo. Si eksploruesi më i madh britanik i Afrikës, ai u varros në Katedralen Westminster në Londër.
1930- Vdiq shtetari anglez Arthur James Balfour, Kryeministër i Britanisë së Madhe 1902-1906. Si Ministër i Punëve të Jashtme, ai shpalli në 1917 një plan për të krijuar një shtet-komb hebrenjsh në Palestinë (Deklarata Balfour).
1950- Vdiq shkrimtari amerikan Edgar Rice Burroughs, autor i romaneve aventureske rreth Tarzanit.
1970- Krerët e qeverive të Gjermanisë Lindore dhe Perëndimore, Willy Brandt dhe Willy Stoph, takohen në Erfurt. Ishte takimi i parë i zyrtarëve të lartë të dy vendeve që nga ndarja e Gjermanisë në 1949.
1978- Ushtria izraelite pushton pjesën më të madhe të Libanit jugor.
1994- Trupat qeveritare në Phnom Penh pushtojnë qytetin e Pailin në Kamboxhia lindore, bastioni kryesor i lëvizjes guerile maoiste, “Khmer Rouge”.
1997-Vdiq piktori amerikan me origjinë holandeze Willem de Kooning, themeluesi i ekspresionizmit abstrakt, i cili transformoi pikturën në Shtetet e Bashkuara në vitet 1940.
2011-Fillon një operacion ushtarak nga forcat ndërkombëtare në Libi i quajtur “Agimi i Odiseut”, nën komandën e admiralit amerikan Samuel Jay Locklear. BETA
