1966- Vdes regjisori amerikan Walt Disney, autor i librave të vizatimeve komike, animator dhe producent filmash, krijues i filmave vizatimorë modernë, fitues i 29 Oskareve. Rruga drejt famës iu hap në fund të viteve 1920 nga karakteri i Mickey Mouse. Studiot e Disney më vonë prodhuan animacionet e njohura në të gjithë botën si: “Borëbardha dhe Shtatë Xhuxhat”, “Hirushja”, “Peter Pan”, “Bambi”, “Pinokio”, “Liza në Botën e Çudirave”.
37- Lindi perandori Romak Nero, sundimi i moderuar i të cilit, nga viti 54 u shndërrua më vonë në një terror të padëgjuar, i cili kulmoi në zjarrin e Romës (64). Romakët e akuzuan Neronin për vënien e zjarrit dhe ai urdhëroi të përndiqeshin dhe të vriteshin të krishterët. Atij i mvishet edhe vrasja e nënës së tij Agripina, gruas së tij Oktavia, bashkëpunëtorëve të tij më të ngushtë dhe romakëve të shquar. Ai bëri vetëvrasje në vitin 68 pasi Senati e shpalli atë armik të popullit Romak dhe e dënoi me vdekje.
1961-Ish zyrtari nazist Adolf Eichmann, organizatori dhe autor i gjenocidit të hebrenjve në Luftën e Dytë Botërore, dënohet me vdekje në Jeruzalem dhe më pas u var. Pas luftës, ai jetoi me një emër të rremë në Argjentinë deri në vitin 1960, kur u zbulua dhe u arrestua nga anëtarët e shërbimit sekret Izraelit. Beta
