1491- Lindi prifti spanjoll Ignacio de Loyola, themeluesi i “Shoqërisë së Jezusit” (Jezuitët) në 1534. Pasi Inkuizicioni e shpalli të pafajshëm si heretik, ai mori konfirmimin nga Papa Pali III në 1540 per te krijuar Urdhrin e ri katolik romak dhe u zgjodh Kryeplaku (Ati) i parë (gjeneral). Ai hartoi kushtetutën jezuite dhe manualin “Ushtrime shpirtërore për vetëqeverisje”.
1524- Vdiq lundërtari portugez Vasco da Gama, i cili në vitin 1498 gjen një rrugë detare për në Indi ndërsa lundronte rreth Afrikës. Gjatë udhëtimit të tij të dytë në Indi në 1502, ai vendosi sundimin kolonial portugez, por gjatë udhëtimit të tij të tretë s’ia doli dhe vdiq në Indi.
1798- Lindi shkrimtari polak Adam Mickiewicz, përfaqësuesi më i shquar i romantizmit polak. Epika e tij idilike “Zoti Tadija” (Pan Tadeusz), në të cilën ai dha një vizion të Polonisë së vjetër në zhdukje, konsiderohet të jetë pjesa më e madhe e romantizmit polak.
1865- U themelua organizata raciste Ku Klux Klan në Pulaski, Tennessee.
1982- Vdiq shkrimtari francez Louis Aragon, një nga themeluesit e lëvizjes Surrealiste. Që nga viti 1930, pas Kongresit të Shkrimtarëve Revolucionarë në Kharkov, ai u rreshtua në anën e socrealizmit dhe botoi “Traktatin mbi Realizmin Socialist”. Në Luftën e Dytë Botërore, së bashku me Elijan (Eluard) konsiderohet si poeti më i shquar i Lëvizjes së Rezistencës.
1999- “Princi i Vogël”, vepër e Antoine de Saint-Exupery, u shpall libri i shekullit në Francë.
2008 -Vdiq laureati britanik i Nobelit dhe një nga dramaturgët më të famshëm Harold Pinter, i njohur edhe si kritik i mprehtë i politikës së jashtme britanike dhe amerikane. Veprat e tij më domethënëse janë: “Rojtari”, “Kthimi”, “Toka e Askujt”, “Kohët e vjetra” dhe “Ditëlindja”. BETA
