1331 – Vdiq mbreti serb Stefan Nemanjić i Deçanit, i biri i Mbretit Milutin. Gjatë mbretërimit që nga 1322 siguroi supremacinë e vendit të tij në Ballkan, kur Serbia mundi bullgarët në betejën e Velbuzhd më 1330. Nga froni u përmbys nga djali i tij Dushan në 1331 dhe është mbajtur në robëri në Zveçan, ku edhe vdiq në rrethana misterioze. Ngriti manastirin e Deçanit, dhe dokumenti i tij kishtar përmban një listë të fshatrave dhe banorëve të pasurive të Deçanit.
1821 – Lindi Fjodor Dostojevski, një nga më të mëdhenjt shkrimtar rusë dhe ndërkombëtar të gjithë kohërave. Puna e tij letrare u bë në shekullin e 20, një burim i pashtershëm për një shumëllojshmëri të gjerë të studimeve dhe interpretimeve letrare-teorike, estetike, psikologjike dhe filozofike. Ndikuar prej letërsisë së përgjithshme evropiane dhe amerikane dhe në veçanti shpesh asaj që quhet Ekspresionizmi në letërsi dhe në filozofi ekzistencialiste ( “Krim dhe Ndeshkim”, “Vëllezerit Karamazov”, “Shënimet nga Shtëpia e të vdekurve, “Idiot”).
1855 – Vdiq filozofi danez Soren Kierkegaard (Aabye Soeren Kierkegaard), përfaqësues i drejtimit antihegelian, si edhe një kritik i krishterimit si edhe dogmës së kishës. Ai konsiderohet edhe si Krijues i ekzistencializmit. (b.an)
