1997-Në Kioto, pas negociatave maratonë, u nënshkrua Protokolli për Mbrojtjen e Mjedisit, i cili parashikon uljen e prodhimit të dioksidit të karbonit dhe gazrave të tjera të dëmshme që besohet se shkaktojnë efektet e “gazrave serrë” dhe ngrohjen globale. SHBA nuk e ka vënë nënshkrimin e saj me arsyetimin se kjo do të dëmtonte ekonominë e tyre. Protokolli i Kiotos, i nënshkruar nga 141 shtete, ka hyrë në fuqi më 16 shkurt 2005.
1475-Ka lindur, prifti italian Giovanni de ‘Medici, Papa Leon X (Leo) që nga viti 1513 deri në vdekjen e tij në 1521. Si një mbrojtës i madh i arteve ka bërë që Roma të bëhej qendra e kulturës evropiane. Me gjithë përpjekjet, përfshirë edhe shkishërimin e themeluesit të Kishës Protestante në Gjermani, Martin Luteri (Luther), ai nuk mundi të shtypë “herezinë” e lëvizjes reformuese fetare, e cila filloi gjatë papatit të tij për të parandaluar krijimin e kishave protestante.
1803-Ka lindur kompozitori francez Hector Berlioz, krijuesi i muzikës romantike si edhe themeluesit të orkestrës moderne (“Romeo dhe Xhulieta”). (b.an)
