Frashër Krasniqi sulmon Vetëvendosjen, sjell disa fakte se sa “parimore” është VV-ja. Deputeti i Partisë Socialdemokrate, Frashër Krasniqi përmes një postimi në Facebook ka sulmuar ish-partinë e tij, Vetëvendosje.Ai ka sjellë disa fakte për të treguar se sa “parimore” është Vetëvendosja, transmeton Koha.net.
Më poshtë mund ta lexoni postimin e tij të plotë, pa ndërhyrje:
DISA FAKTE SE SA “PARIMORE” ËSHTË VV-ja
– Pas “pastrimit” në parti, anëtarësojnë tipa si Ajvaz Berisha, që akuzohen për vrasje, vjedhje, ngacmime seksuale, etj.
– E refuzojnë debatin parlamentar për dialogun para 2 muajsh, vetëm pse e inicioi PSD. Pas dy muajsh e pranojnë debatin me një rezolutë shumë më të mangët, vetëm pse tash PSD nuk ishe iniciatorja kryesore.
– Lidhen me Sali Berishën, ndërkohë që pretendojnë se janë të majtë.
– U del afera korruptive në Ndërmarrjen Banesore dhe nuk e përjashtojnë asnjërin nga zyrtarët e përfshirë në këtë aferë.
– Përjashtojnë një pjesë të opozitës në thirrjen për protesta, vetëm për shkak të inateve partiake, anipse dikur bashkëpunonim me të gjitha subjektet opozitare kur kjo i shërbente interesit të përgjithshëm. Pra, sot nuk kanë më qëllim protesta të përbashkëta që do të rrezikonin pushtetin, por e kanë qëllim vetëm promovimin partiak si gjoja opozita e vetme e vërtetë në Kosovë.
– Flirtojnë me Erdoganin që dikur e quanin autokrat.
– Na akuzuan neve për paga të larta në VV ndërkohë që sot i mbajnë po ato paga.
Pra, çdo ditë e më shumë po del në pah se kush kishte të drejtë në ndarjen VV-PSD dhe kush ishte parimor. (b.an)
