Gjykatësit dhe prokurorët e përshkallëzuan të enjten qëndrimin e tyre ndaj qeverisë. Në dyert e SPAK ka mbërritur një padi penale ndaj ministrit te Financave dhe drejtuesve te Thesarit, të cilët sipas padisë, nuk kanë sjellë rrogat për ata dhe administratën. Por pyetja është cilat rroga? Të vjetrat apo të rejat?
Sipas komunikimeve të Abc News me shoqatën e gjykatësve, thesari ka bllokuar rrogat, sipas referencës së re, që sipas kësaj shoqatë, përcakton vendimi i Gjykatës Kushtetuese.
Kështu disa gjykata, përfshirë dhe institucionet e KLGJ dhe KLP, kanë dërguar në drejtorinë e Thesarit rrogat e reja, sipas tyre, bazuar në vendimin e Gjykatës Kushtetuese.
Por, këtu lind pikëpyetja e parë. Sipas një letre zyrtare të ministrit të Financave, Petrit Malaj, dërguar KLGJ dhe KLP, ndër të tjera thuhet se dy institucione, SPAK dhe Gjykata Kushtetuese i kanë marrë pagat.
Arsyeja sipas letrës së ministrit është dy institucionet kanë paraqitur listëpagesa të njëjta për muajin korrik, sipas referencës së vjetër. Pra vetë Gjykata Kushtetuese, e cila rrëzoi referencat e vjetra të pagave si të pasakta, i ka respektuar ato, në pritje të një vendimi të kuvendit dhe një VKM-je përkatëse nga qeveria.
Ndërkohë të gjitha gjykatat dhe prokuroritë në vend dërguan listëpagesat me formulën e re pranë Thesarit. Pyetja e dyte është: ku e gjetën këto Gjykata formulën e re?
Këshilli i Lartë Gjyqësor tha zyrtarisht për ABC News se Gjykatat kanë dërguar listëpagesat me referencat e reja, duke u bazuar në vendimin e Gjykatës Kushtetuese.
Por, në vendimin e saj të datës 17 shkurt 2026, dhe në sqarimin e saj javën e kaluar, vetë Gjykata Kushtetuese e thotë qartë se formulën e re të pagave, e përcakton Kuvendi dhe e zbaton qeveria.
Dhe këtu dalim të pikëpyetja e tretë: përse këto institucione të drejtësisë nuk e lexuan dot saktë vendimin e Gjykatës Kushtetuese? Nga paaftësia apo nga diçka tjetër?
Maxhoranca socialiste të mërkurën akuzoi togat e zeza se janë futur në një lojë politike. E vërteta është se po të mërkurën ata që ngritën zërin pro gjykatësve që caktuan vetë rrogat e tyre, ishin deputetët e opozitës.
Edhe nëse nesër gjykatat bllokojnë seancat e gjyqeve, e sigurt është që në këtë përplasje që e provokuan po vetë, llogaritë nuk do t’i kenë më me thesarin, por me qytetarët. Ndërsa politika, përfshirë edhe atë majtas, duhet t’i japë llogari qytetareve, për një reformë në drejtësi, që është kësaj radhë dha provë e dështimit të radhës.
Duke filluar nga Sadushi, një profesor i shkollës së plepave, e gjithë rrokopujat pas tijë, janë aq të pregatitur, sa nuk dijnë të zbatojnë VENDIMET E GJYKATES KUSHTETUESE, kur vetë kjo gjykatë dhe bile edhe spak, me mënçuri e maturi, veprojnë në pritje të vendimit të parlmentit.
Kësajë i thonë, na mbytën PLEPISTËT metallarë e salillarë.