Vizita në Athinë e presidentit në detyrë të Shteteve të Bashkuara, Barack Obama i dha mundësi kryeministrit Tsipras të komentonte zgjedhjen e Donald Trump në krye të Shtëpisë së Bardhë, madje duke sitigmatizuar qëndrimin kritik të disa kryeministrave në Evropë që dolën hapur kundër zgjedhjes së kandidatit republikan.
“Te jem i sinqertë nga Donald Trump njoh pak gjëra. Njoha gjatë kësaj kohe agresivitetin dhe mënyrën ekstravagante që ka zgjedhur për të mbrojtur disa ide jo konvencionale gjatë fushatës zgjedhore. Të tjera gjëra njohëm gjatë fushatës zgjedhore dhe tjera gjera presim nga ai si president i zgjedhur i SHBA.
Prandaj unë nuk u nxitova, përkundër disa homologëve të mi në Evropë, të përsëris të dhëna kritike që ne i dëgjuam edhe gjatë kohës së fushatës presidenciale”, u shpreh ai.
Por vetëm 7 muaj më parë kryeministri grek kishte patur një tjetër mendim për Donald Trump, raporton Klan. Në një audiencë me studentët ai e quajti atë një të keqe të madhe për njerëzimin duke uruar që mos të zgjidhej.
“Më thoni, kush nga ju do të besonte para pak muajsh, se sot në Shtetet e Bashkuara të Amerikës favorit për të marrë nominimin e republikanëve si kandidat për President i Shteteve të Bashkuara do të ishte Donald Trump, me gjithçka që shënjon kjo kandidaturë dhe idetë që përfaqëson, të cilat gjejnë mbështetje. Kush do ta besonte se do ishim para kërcënimit se Trump mund të jetë president i ardhshëm i Shteteve të Bashkuara dhe shpresoj që kjo e keqe mos të na gjejë”, deklaroi ai.
Janë këto dy deklarata kontradiktore të kryeministrit grek, që jo vetëm nuk e bëjnë të ndryshëm nga homologët e tij në Evropë, por e kanë vënë në një pozitë të vështirë para opinionit publik vendas./a.k
