Ish-kryetari i Bashkisë së Dibrës Shukri Xhelili ka kërkuar sot në gjykatë zëvendësimin e masës së sigurisë nga ‘Arrest me burg’ në “Arrest shtëpie”, por gjykata ka vendosur që ta lërë në burg atë. Kjo kërkesë e ish-kryebashkiakut është bërë me pretendimin se është i sëmurë nga zemra, por kjo nuk e ka bindur trupën gjyqësore që atij ti zëvendësojë masën e sigurisë, duke e lënë në burg.
Vendimi i trupës gjykuese ka qenë i njëjtë me kërkesën e prokurorisë e cila ka kërkuar lënien në burg të Shukri Xhelilit. Kjo nuk është hera e parë që Shukri Xhelili ka kërkuar zëvendësimin e masës së sigurisë, pasi të njëjtën gjë ka bërë edhe dy herë të tjera.
Ndërkohë, ekspertët do të bëjnë edhe një verifikim të gjendjes shëndetësore të ish-kryebashkiakut. Ish-kryebashkiaku i Dibrës Shukri Xhelili u shkakrua pas një afere seksuale ku i kërkonte favore një vajze me premtimin se ajo do të punësohej.
ma.me
