Është shuar në moshën 86-vjeçare muzikologu i njohur shkodran, Ferid Bala.
I njohur si themeluesi i degës së Kantos në Shkodër, Ferid Bala, është ndarë sot nga jeta, në moshën 86-vjeçare. Muzikologu ka zbuluar disa talente, si Valdete Hoxha, Agim Hushi, Violeta Gashi, Myfarete Laze edhe është autor i disa librave.
Ai dha një kontribut të madh në muzikë, duke qenë edhe themelues i degës së Kantos në Shkodër. I aktivizuar fillimisht në melodramën “Dasma Shkodrana” nga kompozitori Prenk Jakova, do të dërgohej më pas edhe në Festivalin Ndërkombëtar të Muzikës në Bukuresht. Në vitin 1971 nis punën në degën e Kantos në shkollën e muzikës “Prenk Jakova” në Shkodër. Disa nga talentet që ka zbuluar gjatë punës si arsimtar janë: Valdete Hoxha, Agim Hushi, Violeta Gashi, Myfarete Laze etj.
Ferid Bala (1934-2020) është autor i disa librave, si “Ushtrime Vokale”, “Përmbledhje me Arie e Romanca”, “Në lulishten e këngës dhe të këngëtarëve popullore shkodranë”, “Fjalor muzikor i komentuar”, “50 vjet Art e Kulturë”, “Këshilla për këngëtarët”, “Përmbledhje pjesësh popullore”, “Kënga dhe Këngëtarët” etj.
Është dekoruar edhe me Urdhërin “Naim Frashëri” i klasit të dytë edhe të tretë. Ndërsa, mban titujt “Mësues i dalluar” edhe “Prenk Jakova”.
/a.r
