Drejtoresha e INSTAT, Elsa Dhuli, bëri me dije këtë të mërkurë se censi i popullsisë dhe banesave do të zgjasë deri më 15 Nëntor.
Në një deklaratë për shtyp, Dhuli ftoi të gjithë qytetarët që nuk e kanë kryer censin që të bëhen pjesë e procesit.
“Pavarësisht pjesëmarrjes së lartë të qytetarëve në këtë aktivitet rreth 3% e zonave në të gjithë territorin e Shqipërisë, ende nuk janë numëruar. Për këtë arsye në disa zona të bashkive të vendit, mbledhja e informacionit në kuadër të censit do të vazhdojë deri në datën 15 Nëntor 2023”, u shpreh Dhuli.
Ajo theksoi se deri më tani nuk ka rezultate për përfundimin e procesit, por se “flitet për ecuri pozitive”.
Sa i përket qytetarëve që nuk i janë përgjigjur censit, apo që kanë dhënë deklarime të rreme, Dhuli tha se nuk ka pasur gjoba.
Teksa po verifikohet sa persona nuk e kanë marrë shërbimin, Dhuli deklaroi se ndaj punonjësve që kanë shkelur metodologjinë e punës janë marrë masa respektive.
/a.r
Mos e shtyve afatin e censit, moj zonja drejtoreshë, sepse nuk kanë ardhur “grekët” e tu të rregjistrohen ?
A keni pasaportë greke zonja Dhuli ?
Në pasaportën greke, a e keni mbiemrin DHULIS ?
Bëji të fala Janullës e Co……