I fundit rast për punime në këmbim të votave vjen nga qarku i Elbasanit. Sipas burimeve për portalin Lexo.al, mësohet se pas denoncimit të disa banorëve, Policia e Elbasanit në bashkëpunim me IKMT Elbasan ka bllokuar disa mjete dhe më pas ka shoqëruar në Polici drejtuesit e tyre, të cilët po kryenin punime në disa rrugë të Njësisë Administrative Papër, në këmbim të votës për subjektin elektoral LSI.
Ndërkohë para 1 jave u ndaluan fadromat e bashkisë Cërrik që kryenin punimepërsëri për këto qëllime dhe në shkelje të ligjit. Kjo sepse së pari, makineritë po kryenin punime në rrugë nacionale (kombëtare), që është përgjegjësi e ministrisë së transporteve për të ndërhyrë. Punimet po bëheshin pa asnjë projekt dhe pa leje. Kujtojmë gjithashtu se sipas Vendimit të Këshillit të Ministrave, në këtë periudhë elektorale nuk mund të jepet asnjë tender.
