Policia e Kosovës njofton se procesi zgjedhor në katër komunat veriore të Kosovës, po zhvillohet pa ndonjë problem eventual dhe deri më tani nuk ka ndonjë incident në aspektin e sigurisë.
Besim Hoti, zëvendëskomandant i Policisë se Kosovë për veriun e vendit, për Radion Evropa e Lirë, thotë “ se Policia e Kosovës është në kryerjen e detyrës në katër komunat veriore të Kosovës, dhe në të gjitha qendrat e votimit në këtë pjesë”.
Në komunat në veri të Kosovës deri në orën 11.00 dalja më e madhe sipas të dhënave të KQZ-së është shënuar në Zubin Potok me 20,96 për qind. Në Leposaviq kanë votuar 14,88 për qind, Zveçan me 10,09 për qind dhe Mitrovica e Veriut me 9,37 për qind, shkruan Kosovapress.
Në veri të Kosovës janë hapur 28 qendra votimi në shtatë qendra zgjedhore. Procesi zgjedhor në veri po mbikqyret nga KQZ dhe rreth 200 pjesëtarë të misionit të OSBE-së, të cilët ofrojnë mbështetje teknike për procesin.
Në afërsi të vendvotimeve ndodhen edhe automjete dhe pjesëtarë të Policisë së Kosovës, të cilët punojnë sipas plani operues për ditën e zgjedhjeve.//b.d
