Rritet frikshëm numri i të prekurve nga koronavirusi në Itali, ku pasditen e sotme është konfirmuar viktima e 107.
Ndërkohë në total numri i të prekurve është 3089, ndërsa në kujdes intensiv janë 295. Sakaq 276 prej tyre janë shëruar nga virusi.
I ngarkuari për situatën e emergjencës në Itali, Angelo Borrelli, deklaroi pasditen e së mërkurës se 1346 të prekur janë të shtruar në spital dhe 1065 të izoluar në shtëpi.
Ditën e sotme qeveria italiane vendosi mbylljen e të gjithë shkollave dhe universiteteve deri në mes të muajit mars.
Ndërkohë në Kinë, e cila është edhe epiqendra e epidemisë numri total i të prekurve ka arritur në 80 282 dhe viktimat kanë shkuar në 2981.
/a.r
