Mbrëmjen e kësaj të hëne, në studion e “Real Story”, u diskutua nisma e diskutuar në publik për krijimin e shtetit sovran të “Urdhrit Bektashi”, një nismë kjo, e cila ka krijuar debate të shumta.
Analisti i njohur, Sokol Minxhozi , gjatë diskutimit në studio tha se ‘benzinën në zjarr’ e ka hedhur kryeministri Edi Rama dhe jo Kryegjyshata.
Sipas tij, kjo është një “lojë” e kryeministrit dhe të gjithë tashmë po diskutojnë mbi frazën e tij.
“Problemi është ky; a është shtet i mirëfilltë ky që propozohet dhe a ka qenë dikur një shtet i mirëfilltë, sepse shteti i mirëfilltë lidhet me territorin, lidhet me simbolet dhe lidhet me shumë gjëra. E dimë që benzinën në zjarr e ka hedhur Edi Rama, dhe jo kryegjyshata, sepse fillimisht shkrimi i The New York Times dhe fjalimi në OKB, i cili është i gjithi i citueshëm, sepse është standardi i citimit zyrtar kur flet nga ai podium, ai flet për shtet sovran i Urdhrit Bektashi, është emërtesa e përsëritur me shumë këmbëngulje. Togfjalëshi shtet sovran të çon te neni 1 i Kushtetutës dhe nuk i shpëton asaj. Kjo është loja e Ramës për t’i hedhur benzinë zjarrit dhe të gjithë bëjnë debat me një frazë të tijën.”, tha ai.
Është konsporacion sorosiano izraelit, për të hequr Baba Mondin, si vegël e Ilir Metaj, dhe në vënd të tijë, të vënë Haxhi Dede Baba Dr. Lutfi Dervishi, medemek si kundershtar i Ramës, por në realitet është duke bërë lojën e tijë (të Ramës)