Renato Xhija është përballur në gjyq me akuzat për veprat penale “keqtrajtimit të anëtarëve të familjes ose partnerit/es”, në Itali. 30-vjeçari nga Shijaku dhunonte sistematikisht bashkëshorten e tij, pasi dyshonte tek ajo.
Kulmi arriti kur kjo e fundit hapi një adresë në Facebook, ndërsa kur Xhija e ka zbuluar, e ka “shembur” atë në tokë duke e rrahur partneren e tij.
Ngjarja ka ndodhur më 5 tetor 2013, kur çifti jetonte në Rovigo. Sipas aktakuzës, 30-vjeçari shqiptar me partneren ka pasur një sjellje gjaknxehtë dhe të dhunshme dhe shpesh e ka penguar atë të dalë nga shtëpia, apo të fliste në telefon me anëtarët e saj të familjes, ose edhe të krijonte miqësi.
Sipas dëshmive, i riu e merrte shpesh në telefon gruan, madje edhe kur ajo ishte në punë duke e akuzuar se ishte një prostitutë dhe që nuk vlente fare.
Disa ditë më parë, Renato Xhija u dënua nga një gjykate ne Rovigo me tre vjet e katër muaj burg, denoncuar nga e shoqja tre vjet më parë.
Kërcënimet nuk ishin ndalur edhe në sallën e gjyqit, te tipit si “do të djeg fytyrën me acid”, ndërsa gjyqtari gjeti prova të mjaftueshme për të dënuar shqiptar tridhjetëvjeçar./express/a.k
