Një 30-vjeçar shqiptar është plagosur me me thikë në ditën e Krishtlindjes, në Greqi.
Sipas mediave greke ai rrezikoi jetën, pasi ishte goditur 7 herë me thikë.
Por, megjithatë, ka refuzuar të bashkëpunojë me autoritetet për të zbardhur rrethanat e ngjarjes së ndodhur në zonët e Therissos, Heraklion.
Policia mori njoftim për ngjarjen e ndodhur në orët e para të mëngjesit të djeshëm.
Një grup njerëzish u përleshën me njëri-tjetrin dhe njëri prej tyre sulmoi të riun shqiptar.
Agresori u largua menjëherë nga vendngjarja.
I plagosuri kishte humbur shumë gjak, ndëra u dërgua menjëherë në spital ku edhe iu nënshtrua një ndërhyrje kirurgjikale.
Raportohet se gjendja e tij vijon të mbetet e rëndë.
Policia po përpiqet të identifikojë autorin nga dëshmitë dhe materialet filmike nga kamerat në zonë, pasi shqiptari nuk pranoi të përmendte asnjë emër për të çuar në zbulimin e agresorit që e qëlloi me thikë.
/a.r
