Një aksident i rëndë ka ndodhur mbrëmjen e kaluar në Itali, me protagonist një shqiptar. Mediat e vendit fqinj raportojnë se shqiptari 39-vjeçar ka përplasur një çift italian, që sapo kishin dalë nga një piceri dhe po kalonin rrugën për të shkuar te makina e tyre.
Ata janë përplasur nga mjeti tip “Audi A4”, i drejtuar nga shqiptari, ku për pasojë ku humbur jetën në vend burri, Mario Cinelli, 62 vjeç. Ndërsa, gruaja është dërguar menjëherë në spital, e cila është vendosur në prognozë tridhjetë-ditore nga mjekët.
Ngjarja ndodhi në Castelmassimo, ku nga aksidenti u bllokua rruga për rreth dy orë. Nga ana e saj policia vijon hetimet për të ndërtuar dinamikën e ngjarjes tragjike
a.ç
