Një shqiptar ka humbur jetën tragjikisht në një aksident të ndodhur në Itali. Ngjarja e rëndë ndodhi mëngjesin e sotëm në komunën e Mezzana Bigli të Pavias, ku dy makina një Suv Hyundai dhe Skoda u përplasën me njëra tjetrën.
Për pasojë gjeti vdekjen 57- vjeçari shqiptar N.B., i cili po udhëtonte me makinën tip Skoda, ndërsa drejtuesi i mjetit tjetër një 33- vjeçar italian, ndodhet në gjendje të rëndë në spital.
Dyshohet se mjetet kanë qenë me shpejtësi të madhe dhe se përplasja ka qenë e fortë, çka ka bërë që makina me të cilin udhëtonte shqiptari të përfundojë në një kanal me ujë.
Për shkak se makina është mbuluar nga uji, mbetet ende e paqartë, nëse shqiptari ka vdekur prej dëmtimeve të pësuara, apo i mbytur..noa.al/a.k
