Një i ri shqiptar është dënuar me tre vite e gjysmë burg për posedim dhe shpërndarje kokaine në Britaninë e Madhe.
Abdul Cakali, i cili kishte hyrë në Britaninë e Madhe ilegalisht, u kap teksa po ngiste një makinë tip ‘Vauxhall Astra’ në Southborough pranë Mançesterit. Policia britanike i gjeti 23-vjeçarit 42 pako çamçakëzësh, brenda së cilave kishte fshehur kokainën.
Më pas policia zbuloi se Cakali kishte falsifikuar edhe patentën portugeze me emrin Alfred Santos. Ai pranoi akuzat dhe tha se nisi të shiste drogë për të mundësuar operimin e nënës së tij në Shqipëri.
Megjithatë gjykata nuk e mori parasysh justifikimin dhe vendosi ta dënojë me 3 vite e gjysmë heqje lirie. Ai do të dëbohet pas kryerjes së dënimit. /l.m
