Një shqiptar 29-vjeçar ka goditur me makinë ish-kampionin e çiklizmit italian Guido De Rosso, duke i rrezikuar seriozisht jetën, por tani gjendja e tij është stabilizuar dhe më e keqja ka kaluar.
Mediat italiane shkruajnë se aksidenti ndodhi pasditen e djeshme dhe pas hetimeve, policia konfirmoi se autor i aksidentit është një 29-vjecar shqiptar, emri i të cilit nuk bëhet ende i ditur.
I lindur në 28 shtator të 1940, Guido De Rosso është ende sot i njohur në vendin e tij dhe një personazh i dashur për të apasionuarit e çiklizmit.
Ai u përplas dje dhe u la ashtu përtokë, i gjakosur dhe pa ndenja. Të parët që e ndihmuan dhe e cuan në spital të njohurit. “Ai banon këtu pranë dhe po kalonte rrugën për të shkuar në barin e zakoshëm.
Një makinë kishte ndaluar për t’i hapur rrugë të kalonte, kurse një tjetër që po vinte në të njëjtën anë e përplasi përtokë. “Makina ishte një Renault Twingo e drejtuar nga një 29-vjecar shqiptar”, shkruajnë mediat italiane.
