Dy shqiptarë dhe bashkëpunëtori i tyre, identitetet e të cilëve nuk janë bërë ende me dije, kanë dalë para gjykatës së Torinos.
Në gusht të vitit 2016, ata grabitën apartamentin e një vajze italiane dhe e detyruan atë të kryente marrëdhënie seksuale orale me dhunë.
Shqiptarët në bashkëpunim me njëri tjetrin, kishin patur disa role të caktuara në ngjarje. Bashkëpunëtori i dy autorëve kryesorë të ngjarjes, u kishte treguar atyre apartamentin e vajzës por vetë nuk mori pjesë në grabitje.
Njëri kontrollonte apartamentin, duke marrë para dhe sende me një vlerë totale 400 euro, ndërsa tjetri e detyroi të kryente marrëdhënie seksuale orale, për më tepër shumë të dhunshme shkruan JOQ.
Procesi i gjykimit të tyre po zhvillohet me dyer të mbyllura dhe vendimi pritet të jepet në muajin janar.
Policia bëri të mundur identifikimin e tyre në sajë të mbetjeve nga ADN-ja e tyre e gjetur në vendngjarje,
Pak kohë më pas, u bë i mundur dhe arrestimi i tyre megjithëse gjatë grabitjes ata kishin vënë maska për të mos u njohur./a.m.
